أصلاح قوانين الاحوال الشخصيه المصريه - الرؤيه - الحضانه

أنا تزوجت وأنجبت من زوجى بنت حماتى خلت عشتى دمار ولكن تحملت ولما حملت فى البطن الثانية ببنت وطلب منى إنى أنزلها وأنا رفضت فطردنى من المنزل قعدت عند أهلى لغاية ماولدت البنت طلب أخى منه إنه يجى يسجل البنت رفض مما اضطرنى إلى أرسال العديد من الأشخاص لمحاولة الصلح وعودتى إلى منزل الزوجة فرفض أو يسجل البنت رفض وقال (أنا مقلتلهاش تجيب البنت دى مش كفاية بنت قبل كده) فأضطررت إنى أشتكيه علشان يسجل البنت وسجلها فعلاً بس فوجئت أن زوجى عملى محضر بأنى أخذت الدهب بتاعى معي وأنا خرجه من منزل الزوجية ومع أن هو واخده منى علشان كان ماشى فى إجراء سفر له وبعد كده غير عزالى بعزال قديم ودهنه وقال لأهلى لو عندكم دم تعالوا خدوا عزال بنتكم مما أضطرنى والله العظيم والله العظيم إلى أخذ عزال غير عزالى وجاء إلى منزل أهلى فى وسط قعدت رجاله للصلح فيما بيننا ورم يمين الطلاق عليه ثلاث مرات وقال لى هسيبك معلقة كده بين السماء والأرض لا منك مطلقة ولا منك متزوجة الكلام ده بقاله ثلاث سنوات وأنا ظروفى على أدى والبنتين عندهم حساسية بالصدر مما يكلفنى عبء مطاريف كشف وعلاج ولما رفعت دعوى نفقة اتحكم لى أنا والبنتين بـ140 جنيه فقط فى الشهر (طبعاً كلكم عرفين مصاريف الأطفال من لبس ومأكل وخلافه بتكلف أد إيه) ولما عملت إستأنف فى النفقة سافر إلى إيطاليا من سنة ونصف ومش طايلة منه حاجة والمحامى بتاعه رافع عليه قضية طاعة علشان يضيع عليه النفقة وفى الأخر تقولى لى إنهم من حقهم يشوف عيالهم وكل اللى بيتعمل ده علشان يهدد الأم بنفقة يعنى بالمعنى الأصح يمسكها من نقطة ضعفها )علشان تتنازله عن كل حاجة على فكرة مفيش ست فى الدنيا يهمها أى حاجة إلا عيلها ولما الرجالة خايفة على عياله كده بسيبوا عيالهم ليه من غير مصاريف بيرموا الست فى شارع ليه (مش مهم النفقة مش مهم أى حاجة فى الدنيا المهم عيالى يبقوا فى حضنى أنا استغنت عن الدهب والعزال وعن كل حاجة علشان ولادى يبقوا فى حضنى وبشتغل علشان أصرف عليهم ومحتاجش إلى أى حد ولو إن أهلى بيصرف عليهم كنت هصرف عليهم منين كنت أسبهم من غير مصاريف ولا كشف ولا علاج لحد ما أبوهم يرجع من السفر والله أعلم هيرجع إمتى مش كل الرجالة مظلومة ولا حاجة وفى مداخل كثير من القانون بتخلى الراجل يأخذ حقه وزيادة ومفيش على فكرة ست بتحب تخرب بيتها خراب البيت ده مش حاجة سهلة أى ست بتصرف أكثر بكثير من اللى بيدفعه الراجل فى من نفقة لعياله (أقسم بالله العلى العظيم إنى بصرف على عيالى ما لا يقل عن 900 جنيه فى الشهر ) يعنى أد النفقة اللى المفروضة عليه بأضعاف مضعفة) عموماً مفيش ست بتأخذ حقها بالكامل ولا حاجة أدخلوا المحاكم وشوفوا (بنتى الكبيرة عندها دلوقتى أربع سنين والصغيرة سنتين ونصف وزوجى سيبنى من ثلاث سنوات ومحولش يطلب إن هو يشفهم ) بنتى الكبيرة كان متعلق ليها محاليل وكانت بين الحياة والموت وبعت له قبل ما يسافر يجى يشوفها رفض (عارفين قال إيه لما بعت له يشفها قال ما تموت ولا تغور فى داهية) وبقالى ثلاث سنوات أنا وأهلى اللى بنصرف عليهم وأهله محولش دى فيهم مرة أنه يسأل عليهم فالأخر تقول إن الرجالة مظلومين مظلومين فى إيه (هو كل اللى مضايقهم النفقة إنتوا عارفين إن فى قانون بيحكم بعدم النفقة للزوجة والأولاد والله العظيم لا هيهم ولاد ولا حاجة ولا هيبقوا عوزين يشفوهم ومكنوش عملوا كل الضاجة دى) الرجل بيسيب مراته وأولاده ويروح يتزوج وبشوف حياته والزوجة تفضل قاعدة على تربية أولادها ولما تفكر تتزوج مثله الدنيا تقوم وما تقعدتش.. طالما بيحبوا عليهم أوى كده يخدوا الطفل أول ما يتولد ويربيه ويصرف عليه بس بشرط لا يتزوج يعنى ميجبش مرات أب له طالما بيخاف على أولاده أوى كده وأولاده عنده فى المقام الأول ولما يقضى فترة حضانة اللى هى بيطلبوا بيها 7 سنوات للطفل و9 سنوات للبنات أبقى أخدهم فى حضانتى شوفوا اللى هيحصل للرجالة بدل ما الأم تربى وتكبر وتصرف ضيع شبابها علي أولادها ويسهر الليالى لما يكون طفل مريض ويصرف ويجرب وأنا أشوف حياتى وأتزوج وبعدين أبقى أخدهم لما يكبروا أنا أسفة على أسلوبى لكن اللى أنا شفته من زوجى وأهلى زواجى مش شوية لأنى كنت بنحرم من أبسط حقوقى الأكل لى ولأبنتى كنت بقعد بالأسبوع من غير أكل كانوا بيعملونى على إنى خدامة ليهم وهم عشر أفراد فى البيت بسبب إنى مخلفة بنت وشكراً اللى مصبرنا على الدنيا ولادى عوزين تسببوا فى ظلمى أنا واللى مثلى حاسبكم الله